GRUPU SERVISU HAMUTUK
(GSH)
SUPORTA HOSI DIRASAUN AGRIKULTURA
DISTRITO LIQUICA
BA
KOMUNIDADE
Grupu Servisu Hamutuk (GSH) estabelece
iha tinan 2007, ho membru nain sanulu nebe ho fundus rasik hosi komunidade nebee mak hela iha fatin nee.
Atu kontribui ba hasae aktividade
komunidade nian no hasae kapasitasaun atu promove sira nia produtu rasik iha
merkadoria.
AMI NIA AKTIVIDADE
AMI NIA AKTIVIDADE
1. Kuda Batar.
Iha neba kuaze rai hectare ida ami facilita ba kuda batar deit, nebe’e
mak hetan suporta hosi Departemento Agrikultura Distrito Liquica. Batar ne’e
wainhira ami kuda to remata sei sosa fila fali hosi Departemento Agrikultura
Distrito Liquica no ho rezultado hirak ne’e hodi facilita baa mi nia moris
lor-loron.
2. Kuda aihan/aioan ba animal
nia hahan.
Iha rai hektare ida nebe'e mak ami halo ona tos ida nakonu ho ai oan
hanesan hahan ba animal no hetan suporta hosi Departemento Agrikultara hosi
Distritu Liquica
3. Vacinasaun ba Animal
Iha fatin ne’e mos halo vacinasaun ba Animal hanesan
·
Karau (Vaka no Timor)
·
Fahi
·
Bibi
·
Asu
·
Manu
·
Busa
4. Hakiak Karau Vaka
Iha neba iha aktividade hakiak Karau vaka 15s iha luhan rasik nebe’e
mak facilita hosi komunidade Fatkuta rasik. Aktividade ne’e ami hari ho
iniciativo rasik atu kontribui ba ami nia aktividade rai laran. Karau hirak
ne’e hetan vacinasaun hosi ami rasik no hetan aihan maioria hosi tos nebe’e ami
kuda aihan ba animal ne’e.
5. Hakiak Fahi
Aktividade hakiak Fahi foin dau-dauk mak ami halao ho luhan rasik
nebe’e mak hetan rezultado nebe’e diak. Iha Fahi 10 resin nebe’e mak agora
dau-daun ami hakiak no sei presija atu halo tan luhan tanba fatin la to’o. Fahi
hirak ne’e hetan vacinasaun hosi ami no hetan aihan maioria hosi tos nebe’e ami
kuda aihan ba animal ne’e.
6. Aktividade hakiak Bibi
Aktividade ne’e ami komesa kleur ona liu hosi komunidade ida-idak
nian, maibe ho rezultado nebe’e mak kik tan ne’e ami hamutuk ho hanoin ida atu
kria grupu kik ida hodi hakiak Bibi no hetan rezultado nebe’e mak diak maske ho
tempu nebe’e mak kleur. Iha neba Bibi kuaze 20 resin nebe’e mak ho luhan rasik
no sei presija atu halo tan luhan tanba agora dau-daun Bibi komesa aumenta.
Bibi sira hetan aihan maioria hosi tos nebe’e ami kuda aihan ba animal ne’e no
mos hetan vacinasaun hosi ami.
7. Hakiak Manu
Aktividade hakiak Manu, mos foin dau-dauk mak hakiak nebe’e hetan
suporta hosi Departemento Agrikultura Distrito Liquica nian ho Manu 20 resin
nebe’e mak ho luhan rasik no foin dau-dauk hetan acinde Manu moras, maibe ami
konsege salva Manu hirak ne’e tanba ami iha vacinasaun rasik. Manu hirak ne’e
hetan aihan hosi batar nebe’e mak ami kuda. Hakiak Manu ne’e ami hetan
rezultado nebe’e mak diak no hodi fo suporta ba mi nia moris.
8. Kuda Modo
Iha neba ami komesa kuda modo iha tinan bailoron/tempu la udan, iha
tempu kuda modo ne’e ami halo ho fatin nebe’e mak boot tuir ami nia kbit atu
kontrola. Iha neba ami kuda modo hanesan kategoria tuir mai ne’e:
a.
Modo Mostarda metan no mutin
b.
Lis mean
c.
Brinzela
d.
Aidila
Ami hetan apoio mos hosi
Departemento Agrikultura Distrito Liquica hodi taumatan no hanorin ami oinsa
atu kuda modo ho kualidade diak.
KONTAKTU
Email : grupuservisuahamutuk@gmail.com
Mobile: +670 78028539 and +670 77394145
Fatin:
Fatkuta-Neran-Ulmera-Bazartete-Liquica-Timor Leste
APOIU
Ami hetan
apoio hosi Departemento Agrikultura Distrito Liquica no maluk balun hosi fatin
seluk. Ami sei presija nafatin ita boot sira nia apoio iha ami nia grupo ne’e.
Ba maluk nebe’e mak iha interese atu ajuda no fo apoio hodi serviso
hamutuk, bele kontakto ou email mai ami
liu hosi lista iha leten.
NB: Iha ideia no sugestaun balun bele fo
hatene mai ami hodi hadia no dezenvolve ami nia grupo. Ita boot sira nia ideia
no sugestaun mak ami nia mata dalan ba dezenvolviento grupu nian.
